ХАДАМОТИ ГУМРУКИ НАЗДИ ҲУКУМАТИ
ҶУМҲУРИИ ТОҶИКИСТОН

САРАЗМ-5500

САРАЗМ

Ёдгории қадимаи Саразм тирамоҳи соли 1976 аз ҷониби бостоншинос Абдуллоҷон Исҳоқов кашф гардид. Ёдгории қадимаи Саразм дар 15 километрии ғарби шаҳри Панҷакент ва 45 километрии шарқи шаҳри Самарқанд ҷойгир шудааст.

Майдони аввалаи ёдгории таърихӣ қариб 130 гектарро ташкил медод. Шаҳрак дар зарфи беш аз ҳазор сол ва бахусус дар давраҳои энеолити замони дер ва асри биринҷии замони барвақт рушд ёфтаааст.

Дар Тоҷикистон ба ифтихори ҷашни 5500-солагии Саразми бостонӣ 12 хатсайри нави сайёҳӣ ташкил гардид

Дар Тоҷикистон ба ифтихори таҷлили ҷашни 5500-солагии Саразм, ки яке аз ёдгориҳои нодири бостонӣ дар Осиёи Миёна аст, 12 хатсайри нави сайёҳӣ ташкил гардид. Дар ин бора АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон хабар медиҳад.

«Дар партави дастгириву ташаббусҳои созандаи Пешвои миллат муҳтарам Эмомалӣ Раҳмон ва тадбирандешиҳои пайваста ҷиҳати ҷалби бештари сайёҳон дар минтақаҳои ҷумҳурӣ хатсайрҳои сайёҳии нав таъсис ёфтанд. Ин хатсайрҳо натиҷаи ҳамкории зичи Кумитаи рушди сайёҳӣ бо шарикони рушд ва ширкатҳои сайёҳии ватанӣ буда, ба муносибати бузургдошти 5500-солагии шаҳри бостонии Саразм, инчунин баҳри тарғиби мавзеъҳои назаррабои мамлакат равона шудаанд», — изҳор доштанд ба мухбири АМИТ «Ховар» дар Кумитаи рушди сайёҳӣ.

Ба истиқболи 5500-солагии Саразм дар шаҳри Панҷакент сохтмони 30 иншооти гуногун идома дорад

Ба истиқболи 5500-солагии шаҳри Саразми бостонӣ, ки моҳи сентябри соли равон бо пешниҳоди Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар сатҳи баланд ҷашн гирифта мешавад, дар шаҳри Панҷакент бунёди қариб 30 иншооти гуногун ба нақша гирифта шудааст.

Ба иттилои манбаъ, 4 март Раиси вилояти Суғд Раҷаббой Аҳмадзода дар доираи сафари корӣ ба шаҳри Панҷакент бо ҷараёни бунёди иншооти ҷашнӣ дар Мамнуъгоҳи таърихиву бостоншиносии «Саразм» шинос гардид.

Саҳифаи 1 аз 2

Суроға: хиёбони Бухоро-50|
Ҷумҳурии Тоҷикистон|
ш. Душанбе|

(Cуроғаи почтаи электронии
Маҷаллаи "Гумрук")
info.gumruk@yandex.ru

Агар хоҳед, ки ҳамеша аз хабару эълонҳои нав огоҳ бошед, дар сомонаи мо обуна шавед: