ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар ноҳияи Мастчоҳ ба сохтмони рамзи «Пахтаи шукуфон» шурӯъ намуданд

Бахшида ба ҷашнҳои 30-солагии Истиқлолияти давлатии Ҷумҳурии Тоҷикистон ва 23-солагии Рӯзи Ваҳдати миллӣ дар даромадгоҳи маркази ноҳияи Мастчоҳ– шаҳраки Бӯстон иншооти рамзи «Пахтаи шукуфон» сохта мешавад. Сохтмони рамзи мазкур оғоз шуда, сутунпояи он 10 метр, андозаи худи пахтаи шукуфон 5 метр, баландии умумии иншоот 17,4 метр мебошад. Дар болои сутунпоя ва поёни пахта, кураи Замин ва дар рўйи он навиштаҷоти «ноҳияи Мастчоҳ» дарҷ гардидааст. Дар ин бора аз Мақомоти иҷроияи ҳоимияти давлатии ноҳияи Мастчоҳ ба АМИТ «Ховар» хабар доданд.

Муаллифи лоиҳаи рамзи «Пахтаи шукуфон» сармеъмори ноҳия Муқимҷон Амонов ва пудратчии он ҶДММ «Манзара» мебошад.

Мастчоҳ калонтарин ноҳияи пахтакори вилояти Суғд ба ҳисоб рафта, бунёди иншооти мазкур рамзи эҳтиром ба пахтакорони ноҳия мебошад.

АМИТ «Ховар».