15.01.2020 /Бо мақсади дар сатҳи баланд ва бо дастовардҳои арзанда истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон дар шаҳру ноҳияҳои вилояти Суғд то соли 2021 бунёду азнавсозӣ ва таъмиру тармими 7 ҳазору 71 иншооти иҷтимоию истеҳсолӣ ба нақша гирифта шуда, қарорҳои дахлдори Раиси вилояти Суғд ба тасвиб расида буд. Ҳоло нақшаи номгўи иншоот аз нав тарҳрезӣ гардида, дар назар аст, ки теъдоди умумии иншооти ҷашнӣ ба 8 ҳазор расонида шавад.
Соли 2019 бунёду азнавсозӣ ва таъмиру тармими 2 ҳазору 471 иншоот пешбинӣ шуда, аз ҷониби мақомоти иҷроияи ҳокимияти давлатии вилоят, шаҳру ноҳияҳо, соҳибкорону саховатмандон, инчунин ҷалби сармояи дохилию хориҷӣ 2 ҳазору 666 иншооти таъиноташон гуногун мавриди баҳрабардорӣ қарор дода шуданд.
Ёдовар мешавем, ки аз 7 ҳазору 71 иншооти ба нақша гирифташуда, шуруъ аз соли 2018 то имрӯз дар вилояти Суғд 4 ҳазору 18 иншоот бунёд ва мавриди истифода қарор дода шудааст.
АМИТ «Ховар».