Бахшида ба Солҳои рушди деҳот, сайёҳӣ ва ҳунарҳои мардумӣ дар вилояти Суғд озмуни вилоятии «Ҳунарҳои ороишӣ аз санг» доир мегардад. Ғолибони озмун бо дипломҳои дараҷавӣ ва мукофотпулиҳо дар ҳаҷми аз 1000 то 3000 сомонӣ сарфароз гардонида мешаванд.
Озмуни мазкур дар ду давр: ноҳиявӣ ва вилоятӣ доир гардида, дар он сокинон новобаста аз сол бо маҳсулоти худ метавонанд иштирок намоянд.
Озмуни вилоятии «Ҳунарҳои ороишӣ аз санг» бо мақсади мусоидат дар рушди ҳунари сангтарошӣ ва коркарди сангҳои қиматбаҳою ороишӣ, инчунин ташвиқу тарғиби таҷрибаи ҳунармандон гузаронида мешавад.
Ёдовар мешавем, ки дар ҳар минтақаи вилояти Суғд коркарди сангҳои қиматбаҳою ороишӣ бо тарзу усули хоси минтақаи ҷойгиршавӣ ба роҳ монда шуда, яке аз ҳадафҳои озмун муаррифии маҳсулоти ватанӣ арзёбӣ мешавад.
АМИТ «Ховар»
