СУХАНРОНИҲО

Суханрониҳо

Ифтитоҳи Парчам ва Нишони давлатӣ дар ноҳияи Дарвоз

Аз gumruk on Sep 26 Қисмат: Суханрониҳо Hits: 1315

Дар маркази ноҳияи Дарвоз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вазъияти тантанавӣ сутунпояи Парчами миллӣ ва Нишони давлатии Ҷумҳурии Тоҷикистонро ифтитоҳ карданд.

Парчами давлатии Ҷумҳурии Тоҷикистон дар маркази ноҳия бо баландии 30 метр қомат афрохта, 7 метр паҳноӣ ва 14 метр дарозӣ дорад. Баландии Нишони давлатӣ, ки дар паҳлуи Парчам сохта шудааст, 15 метрро ташкил медиҳад. Ҳамчунин дар назди Нишон ва Парчами давлатӣ тоҷ бо паҳноии 12 ва дарозии 14 метр сохта шудааст.

Дар баробари сохтмони тоҷ, парчам ва нишони давлатии Ҷумҳурии Тоҷикистон дар гирду атрофи маҷмаа гулу буттаҳои ороишӣ низ шинонида шуда, атрофи он чароғон ва ободу зебо карда шудааст.

Суханронӣ дар мулоқот бо сокинони ноҳияи Ванҷи Вилояти Мухтори Кӯҳистони Бадахшон

Аз gumruk on Sep 26 Қисмат: Суханрониҳо Hits: 1254

Ҳамдиёрони азиз!

Пеш аз ҳама, тамоми сокинони ватандӯсти ноҳияи Ванҷ ва ҳар яки шумо, ҳозирини гиромиро ба муносибати солгарди бисту ҳафтуми истиқлолияти давлатии Тоҷикистони маҳбубамон самимона табрик мегӯям.

Ҳамчунин, мехоҳам бо қаноатмандӣ иброз намоям, ки аз баракати соҳибистиқлоливу сулҳу суботи комил дар ноҳия корҳои ободониву созандагӣ, аз ҷумла, бунёду таҷдиди роҳу пулҳо, муассисаҳои таълимӣ, иншооти мухталифи таъиноти иҷтимоиву хизматрасонӣ, ба кор андохтани иқтидорҳои нави истеҳсоли нерӯи барқ ва дигар иқдомоти бунёдкорона вусъати тоза касб кардаанд.

Ин ҳама нишонаи дастгириҳои Ҳукумати кишвар ва заҳмати софдилонаи мардуми шарафманди ноҳия мебошад.

Дар ҷараёни ҳар як сафари корӣ ба ноҳия эҳсос менамоям, ки сокинони заҳматкаши ин гӯшаи биҳиштосои кишварамон, аз ҷумла соҳибкорон бо эҳсоси гарми ватандорӣ ва бо истифода аз муҳити орому осудаи мамлакат барои ободу зебо гардонидани диёри худ саъю талош менамоянд.

Суханронӣ дар мулоқот бо сокинони ноҳияи Дарвози Вилояти Мухтори Куҳистони Бадахшон

Аз gumruk on Sep 26 Қисмат: Суханрониҳо Hits: 1247

Ҳамватанони гиромӣ!

Мулоқоти навбатии мову шумо ба рӯзҳои солгарди бистуҳафтуми истиқлолияти давлатии кишвари азизамон мувофиқ омад.

Ду рӯз пеш дар тамоми шаҳру ноҳияҳои мамлакат, аз ҷумла ноҳияи Дарвоз ба ифтихори ин ҷашни мубораку муқаддаси миллӣ тантанаҳои идона баргузор гардиданд.

Бо истифода аз фурсат, тамоми сокинони заҳматкашу меҳмоннавоз ва адабпарвару фарҳангдӯсти ноҳия ва ҳамаи шумо, ҳозирини гиромиро ба ин муносибат, инчунин, ба ифтихори дар маркази ноҳия парафшон гардидани Парчами давлати соҳибистиқлоламон табрик гуфта, бароятон тансиҳативу сарбаландӣ ва рӯзгори пурсаодат орзу менамоям.

Истиқлолияти давлатӣ дастоварди бебаҳоест, ки сарнавишти халқамон ва ояндаи давлатдории миллии моро муайян намуд ва ҳамзамон бо ин, имконият фароҳам сохт, ки мо забону фарҳанг, арзишҳои миллӣ ва анъанаҳои аҷдодиамонро эҳё намоем ва барои рушди минбаъдаи онҳо заминаҳои мустаҳкам гузорем.

Page 9 of 12