25 майи соли 2023, дар дастгоҳи марказии Хадамоти гумруки назди Ҳукумати Ҷумҳурии Тоҷикистон дар доираи Миссияи навбатии Бонки Умумиҷаҳонӣ силсила вохӯриҳо бо иштироки Муовини якуми сардори Хадамот Турсунзода Азим Ҳайдар, гурӯҳи Бонки умумиҷаҳонӣ вобаста ба дастгирии татбиқи марҳилаи чоруми Барномаи “Беҳтар намудани роҳҳои алоқаи минтақавӣ дар Осиёи Марказӣ” (БРАМОМ-4) ва кормандони масъули мақомоти гумрук баргузор гардид.

24 майи соли 2023 дар Хадамоти гумрук бо иштироки Сардори Хадамоти гумруки назди Ҳукумати Ҷумҳурии Тоҷикистон, генерал-лейтенанти хадамоти гумрук Каримзода Хуршед Абдураҳмон, Муовини якуми сардори Хадамоти гумруки назди Ҳукумати Ҷумҳурии Тоҷикистон, генерал-майори хадамоти гумрук - Турсунзода Азим Ҳайдар, Ҳамоҳангсози Барномаҳои байналмилалии Созмони Милали Муттаҳид оид ба маводи мухаддир ва ҷинояткорӣ Юсуф Қурбонов, сардори Раёсати Созмони Милали Муттаҳид оид ба маводи мухаддир ва ҷинояткорӣ дар Ҷумҳурии Тоҷикистон Мустафо Эртен, Мутахассиси Барномаи Созмони Милали Муттаҳид оид ба маводи мухаддир ва ҷинояткорӣ Шуҳрат Аброров ва кормандони дастгоҳи марказии мақомоти гумрук, маросими ифтитоҳи расмии “Маркази коркарди маълумот ” дар Хадамоти гумрук баргузор гардид.