Ташкилёбии давлати соҳибихитиёр, демокративу ҳуқуқбунёд ва дунявию ягонаи тоҷикон натиҷаи талошҳои пайваста ва ниҳояти ҷонбозиҳои халқҳои маскуни ин сарзамини ҳамешабаҳор маҳсуб меёбад.

Аз ин лиҳоз, дар арафаи таҷлили 27-солагии ин дастоварди бузурги миллӣ – Истиқлолияти давлатии Ҷумҳурии Тоҷикистон бо ҳисси ифтихору сарфарозӣ ҳайати шахсии мақомоти гумрукро самимона ва сидқан табрик гуфта, ба хонадони ҳар яки Шумо файзу баракат ва дар кору пайкоратон барору комёбӣ орзу менамоям.

Дар Дастгоҳи марказии Хадамоти гумрук вохӯрии муовини якуми Сардори хадамоти гумруки назди Ҳукумати Ҷумҳурии Тоҷикистон, полковники хадамоти гумрук Турсунзода Азим Ҳайдар бо менеҷери Департаменти энергетикаи ИМА Кэвин Рошдеҳ ва менеҷери кор бо кадрҳои Департаменти энергетикаи ИМА Скотт Мапле баргузор гардид. Инчунин, дар вохӯрии мазкур, директори Агентии амнияти ядроӣ ва радиатсионии Академияи илмҳои Ҷумҳурии Тоҷикистон Мирсаидов И., муовини директори Агентии амнияти ядроӣ ва радиатсионии Академияи илмҳои Ҷумҳурии Тоҷикистон Аҳмедов М., намояндагони ширкати «Рапискан» Минчел Хзу, Ҷасон Пеэйс , Арво Эллер ва кормандони масъули мақомоти гумрук иштирок намуданд.