2 марти соли 2023 тибқи банди 66-и Нақшаи чорабиниҳои амалисозии Стратегияи миллии фарогирии молиявии Ҷумҳурии Тоҷикистон барои солҳои 2022-2026, аз ҷониби кормандони Идораи ҳимояи ҳуқуқҳои истеъмолкунандагони хизматрасониҳои молиявии Бонки миллии Тоҷикистондар дар Хадамоти гумруки назди Ҳукумати Ҷумҳурии Тоҷикистон тренинги омӯзишӣ дар мавзӯи “Хизматрасониҳои ғайринақдӣ” баргузор гардид.
.jpg)
Дар чорабинии мазкур ба кормандони мақомоти гумруки кишвар оид ба хизматрасониҳои ғайринақдии бонкӣ маълумоти муфассал пешниҳод карда шуд. Ҳамчунин, иштирокчиён аз фаъолияти гурӯҳи қаллобон, ки аз номи ширкати хориҷии “Газпром инвест” аҳолиро ба сармоягузорӣ даъват менамоянд, огоҳонида шуданд.
.jpg)
Дар ҷараёни тренинг иштирокчиён дар баробари ба даст овардани маълумоти муфассал дар бораи ҳисоббаробаркуниҳои ғайринақдӣ ва зарурати он ҷиҳати рушди иқтисоди рақамӣ дар мамлакат, ҳамчунин ба саволҳои худ вобаста ба мавзӯъ, посухҳои мушаххас гирифтанд.
Ҳадаф аз баргузории чорабинии мазкур баланд бардоштани маърифатнокии молиявии аҳолӣ дар самти пардохтҳои ғайринақдӣ мебошад.
