3 то 4 марти соли 2020 дар шаҳри Киеви Украина ҷаласаи 5-уми Комиссияи байниҳукуматии Тоҷикистону Украина оид ба ҳамкориҳои иқтисодӣ баргузор гардид, ки дар он Муовини Сардори Хадамоти гумруки назди Ҳукумати Ҷумҳурии Тоҷикистон, генерал – майори хадамоти гумрук Шерализода Хуршед ва намояндагони дигар вазорату идораҳои ҷумҳурӣ низ иштирок намуданд.

Модар муқаддастарин неъмати дунё, сарчашмаи муҳаббати бекарон, ҳимматбаландтарин шахси башарият аст. Маҳз меҳри бепоён ва навозиши гарми модар моро ба оламу одам ошно сохтааст. Заҳмати шабонарӯзӣ, бедорхобӣ, пурбардории ӯ танҳо ба худаш хос буда, касро ба ҳайрат меорад. Мо дар канори модар бо олами рангини кӯдакӣ ба камол мерасему аз ӯ дарси одамгарию ватандӯстӣ  меомӯзем. Канори модар худ мактаби аввалини ҳаёти фарзанд аст. Ӯ дар ин мактаб тарбия ёфта, муттакои волидон мегардад. Модар пайваста дар ёди фарзанд аст. Намехоҳад ба пойи ӯ хоре халад. Тансиҳатӣ, зиндагии осуда ва хушбахтии фарзандро дида, аз шодӣ меболад. Аҷаб дунёи рангину зебо ва беназир дорад модар…