ХАДАМОТИ ГУМРУКИ НАЗДИ ҲУКУМАТИ
ҶУМҲУРИИ ТОҶИКИСТОН

Хабарҳо

Курси тайёрии ибтидоии кормандони нав ба кор қабулгардида

Пайваста такмил додани дониши касбии кормандони мақомоти гумрук тақозои замон ва яке аз омилҳои муҳими рушди соҳа ба ҳисоб меравад.

Бо мақсади мукаммал гардонидани донишу малакаи касбии кормандони мақомоти гумрук аз 29 октябр то 23 ноябри соли ҷорӣ, курси тайёрии ибтидоии кормандони нав ба кор қабулгардида, ба роҳ монда шуда, 17 нафар кормандон ба ҳайси шунаванда иштирок намуданд.

Ҷаласаи навбатии Шӯрои ҷамъиятиву машваратӣ доир ба фаъолияти гумрукии Хадамоти гумруки назди Ҳукумати Ҷумҳурии Тоҷикистон

Дар толори Дастгоҳи марказии Хадамоти гумруки назди Ҳукумати Ҷумҳурии Тоҷикистон, ҷаласаи навбатии Шӯрои ҷамъиятиву машваратӣ доир ба фаъолияти гумрукӣ дар назди Хадамоти гумрук доир гардид, ки дар кори он Роҳбарият ва сардорони раёсатҳои Дастгоҳи марказии Хадамоти гумрук, намояндагони дигар мақомоти ҳокимияти иҷроия, аҳли тиҷорат ва саноат иштирок намуданд.

Дар ҷаласаи мазкур тағйиру иловаҳо ба Кодекси гумруки Ҷумҳурии Тоҷикистон, ки барои соддагардонии расмиёти гумрукӣ ва дастгирии соҳибкорӣ равона карда шудааст ва ҳамкории Ассотсиатсияи брокерони гумрукии Ҷумҳурии Тоҷикистон бо Хадамоти гумруки назди Ҳукумати Ҷумҳурии Тоҷикистон мавриди баррасии аҳли нишаст қарор дода шуд.

Сардори Хадамати гумруки назди Ҳукумати Ҷумҳурии Тоҷикистон генерал-майори хадамоти гумрук Каримзода Хуршед Абдураҳмон ҷаласаро ҳусни оғоз бахшида, зикр намуд, ки Шӯрои ҷамъиятию машваратӣ доир ба фаъолияти гумрукӣ дар назди Хадамоти гумрук бо мақсади татбиқи банди 14 моддаи 467 Кодекси гумруки Ҷумҳурии Тоҷикистон таъсис дода шудааст.

Хадафи таъсиси Шуро ҳамчун мақоми ҷамъиятию машваратӣ, пеш аз ҳама дар асоси ҳамкории мутақобилаи мақомоти гумрук мусоидат бо аҳли тиҷорат ва саноат дар таҳия ва татбиқи сиёсати гумрукии Ҷумҳурии Тоҷикистон буда, таъмини ҳифзи манфиатҳои иқтисодии мамлакат ва ташкили шароитҳои мувофиқ барои фаъолияти соҳибкорӣ, такмили сохтори амалиёти содиротию воридотӣ ва ҷалб намудани сармояи хориҷӣ мебошад.

Ба ҳайати Шӯро намояндагони Хадамоти гумруки назди Ҳуқумати Ҷумҳурии Тоҷикистон, намояндагони дигар мақомотҳои ҳокимияти иҷроия, аҳли тиҷорат ва саноат дохил карда шудаанд.

Соли 2018 – Соли рушди сайёҳӣ ва ҳунарҳои мардумӣ

Бо мақсади рушди соҳаи сайёҳӣ, муарифии шоистаи имкониятҳои сайёҳии мамлакат ва фарҳанги миллӣ, инчунин, ҷалби сармоя ба зерсохторҳои сайёҳӣ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми хеш ба Маҷлиси Олии Ҷумҳурии Тоҷикистон аз 22 декабри соли 2017 соли 2018-ро дар кишвар ҳамчун “Соли рушди сайёҳӣ ва ҳунарҳои мардумӣ” эълон намуданд.

Дар Раёсати минтақавии гумрукӣ дар вилояти Суғд бо мақсади тараққӣ додани рушди сайёҳӣ ва ҳунарҳои мардумӣ бо иштироки ходими илмии Муассисаи давлатии Маҷмааи таърихӣ – фарҳангии “Истиқлол” Фарзона Рустамова ва ҳайати шахсӣ ҷаласа баргузор гардид. Ҷаласаро муовини сардори Раёсати минтақавии гумрукӣ дар вилояти Суғд, полковники хадамоти гумрук Султон Эрбоев оғоз намуда, иброз дошт, ки воқеан аз ҷониби Пешвои муаззами миллат эълон гардидани “Соли рушди сайёҳӣ ва ҳунарҳои мардумӣ” беасос нест, зеро Ватани маҳбубу азизамон барои рушди сайёҳӣ дорои имкониятҳои бузург буда, бо табиати нотакрор ва мавзеъҳои таърихиву фарҳангӣ дар ақсои олам назир надорад.

Subcategories

Page 40 of 44

sh9
sh8
sh7
sh6
sh5
sh4
sh3
sh2
sh1

Суроға: хиёбони Бухоро-50|
Ҷумҳурии Тоҷикистон|
ш. Душанбе|

(Cуроғаи почтаи электронии
Маҷаллаи "Гумрук")
info.gumruk@yandex.ru

Агар хоҳед, ки ҳамеша аз хабару эълонҳои нав огоҳ бошед, дар сомонаи мо обуна шавед: