18 майи соли 2021 маросими расмии ифтитоҳи ду дафтари ҳамкории сарҳадӣ (ДҲС) дар гузаргоҳҳои сарҳадии истгоҳҳои роҳи оҳани «Пахтаобод» (Тоҷикистон) ва «Кудуклӣ» (Ӯзбекистон) дар марзи Тоҷикистону Ӯзбекистон баргузор гардид.

Дафтарҳои ҳамкории сарҳадӣ аз ҷониби намояндагии минтақавии Дафтари СММ оид ба маводи мухаддир ва ҷинояткорӣ (UNODC) дар Осиёи Марказӣ дар ҳамкорӣ бо мақомоти ҳифзи ҳуқуқи Ҷумҳурии Тоҷикистон ва Ҷумҳурии Ӯзбекистон таъсис ёфтанд.

Ба хотири мукаммал гардонидани сатҳи донишу малакаи тахассусии кормандони мақомоти гумрук нафароне, ки ба тозагӣ шомили мақомот шудаанд, ба курси омӯзишӣ ҷалб гардиданд.

Машғулиятҳои омӯзишӣ аз 29 март то 22 апрели соли 2021 дар Донишкадаи такмили ихтисос доир гардида, ба онҳо истифодабарии дастгоҳи компютерӣ, Дастгоҳи ренгении Rapiskan, Портали монитори радиатсионӣ ва Дастгоҳи фулузотҷӯяк (металодетектор) омӯзонда шуд.