Семинар доир ба омӯзиши истифода намудани таҷҳизотҳои техникии назорати гумрукии навъи СТ-40

Аз 15 то 16 апрели соли 2024 семинари омӯзишӣ дар доираи Барномаи назорати содиротии Сафорати Штатҳои Муттаҳидаи Америка дар Душанбе дар заминаи Донишкадаи такмили ихтисоси Хадамоти гумрук, баргузор гардид.

Машғулиятҳо аз ҷониби коршиносони байналмилалӣ дар самти самаранок истифода намудани таҷҳизотҳои техникии назорати гумрукии навъи СТ-40 гузаронида шуда, 25 нафар корманди мутасаддии воҳидҳои сохтории Хадамоти гумрук дар ин чорабинӣ иштирок намуд.

Тазаккур бояд дод, ки истифодаи таҷҳизотҳои болозикр самаранокии назорати гумрукиро баланд намуда, имконият медиҳад, ки интиқоли ғайриқонунии молҳо аз сарҳади гумрукӣ пешгирӣ карда шавад. Ҳамчун, кумаки техники 50 ҷуфт таҷҳизотҳои техикии назорати гумрукии навъи СТ-40 аз ҷониби Сафорати Штатҳои Муттаҳидаи Америка дар Душанбе ба Хадамоти гумрук тақдим карда шуд.

Бо ин мақсад, ҷиҳати истифодабарии дурусти таҷҳизот аз ҷониби кормандони масъули мақомоти гумрук, дар Донишкадаи такмили ихтисоси Хадамоти гумрук барои гузаронидани машғулиятҳо аз ҷониби мутахассисони амрикоӣ, шароити зарурӣ фароҳам оварда мешавад. Тақдими таҷҳизотҳои мазкур ва гузаронидани машғулиятҳои касбӣ аз ҷониби Вазорати корҳои хориҷӣ ва Кумитаи давлатии амнияти миллии Ҷумҳурии Тоҷикистон ҷонибдорӣ гардиданд.

Бо назардошти ин, Хадамоти гумрук ташаббуси Сафорати Штатҳои Муттаҳидаи Америкаро дастгирӣ намуда, омодагии худро барои қабул ва минбаъд истифода намудани таҷиҳозотҳоро дар фаъолияти касбӣ иброз менамояд.

Маркази матбуоти Хадамоти гумруки назди Ҳукумати Ҷумҳурии Тоҷикистон