Мутобиқи моддаи 56 Қонуни Ҷумҳурии Тоҷикистон «Дар бораи санадҳои меъёрии ҳуқуқӣ» Ҳукумати Ҷумҳурии Тоҷикистон қарор мекунад:
1. Ба Қарори Ҳукумати Ҷумҳурии Тоҷикистон аз 22 июни соли 2019, № 327 «Дар бораи Тартиби аз андоз аз арзиши иловашуда ва боҷи гумрукӣ озод намудани ашёи хоми ҷиҳати коркард ва истеҳсоли маҳсулоти ниҳоӣ воридшаванда ва Номгӯи ашёи хоми дар дохили мамлакат истеҳсолшаванда» тағйироти зерин ворид карда шавад:
- дар муқаддима рақами «169» ба рақами «251» иваз карда шавад;
- дар банди 1 Тартиби аз андоз аз арзиши иловашуда ва боҷи гумрукӣ озод намудани ашёи хоми ҷиҳати коркард ва истеҳсоли маҳсулоти ниҳоӣ воридшаванда, ки бо Қарори Ҳукумати Ҷумҳурии Тоҷикистон аз 22 июни соли 2019, № 327 тасдиқ шудааст, рақами «169» ба рақами «251» иваз карда шавад;
- аз Номгӯи ашёи хоми дар дохили мамлакат истеҳсолшаванда, ки бо Қарори Ҳукумати Ҷумҳурии Тоҷикистон аз 22 июни соли 2019, № 327 тасдиқ шудааст, сатрҳои 10, 18, 19 ва 77 хориҷ карда шаванд.
2. Қарори мазкур аз 1 феврали соли 2022 мавриди амал қарор дода шавад.
Раиси Ҳукумати
Ҷумҳурии Тоҷикистон Эмомалӣ РАҲМОН
