Хадамоти гумруки назди Ҳукумати Ҷумҳурии Тоҷикистон ба маълумоти Шумо мерасонад¸ ки бо дарназардошти қарори Ҳукумати Ҷумҳурии Тоҷикистон аз 12 июни соли 2023, №263 “Дар бораи рамзгузории электронӣ, фаъолияти операторони пайгирикунандаи гардиши молҳо ва раванди назорати онҳо” аз 1 январи соли 2025 рамзгузории электронӣ барои воситаи доруӣ ва молҳои тиббӣ оғоз мегардад.
Дар ин раванд, иштирокчиёни фаъолияти иқтисодии хориҷиро зарур аст, ки қабл аз ворид намудани воситаи доруӣ ва молҳои тиббӣ аз оператор оид ба пайгирнамоии муомилоти мол - Ҷамъияти дорои масъулияташ маҳдуди «Технология Групп» ҷиҳати дастрас намудани “QR-рамз”-ҳо чораҳои зуруриро роҳандозӣ намоянд.
