ХАДАМОТИ ГУМРУКИ НАЗДИ ҲУКУМАТИ
ҶУМҲУРИИ ТОҶИКИСТОН

Маълумоти криминалӣ

Пешгирии воридоти маҳсулоти хӯроквории пастсифат дар Суғд

Ҳангоми гузаронидани чорабиниҳои оперативӣ-ҷустуҷӯӣ аз тарафи кормандони Шуъбаи ташкили мубориза бар зидди ҳуқуқвайронкуниҳои гумрукии Раёсати минтақавии гумрукӣ дар вилояти Суғд дар маҳаллаи 15-уми шаҳри Хуҷанд ҳавлии истиқоматии шаҳрванд Ё. С., ки аз ҷониби ҶДММ «Адана» ба иҷора гирифта шудааст, мавриди азназаргузаронӣ қарор дода шуд.

Дар натиҷаи азаназаргузаронӣ аз дохили хона ба миқдори 660 килограмм хамираи шоколад ошкор гардид.

Моли мазкур ба шаҳрванди Ҷумҳурии Тоҷикистон Ю. Б., соли таваллудаш 1991, истиқоматкунандаи шаҳри Хуҷанд, маҳаллаи 19 тааллуқ дошта, номбурда ин миқдор молро аз деҳаи Борбордуқи ноҳияи Лайлаки Ҷумҳурии Қирғизистон бо маслиҳати пешакӣ бо «Нозим» ном шахс ба ҳудуди Ҷумҳурии Тоҷикистон пинҳонӣ бидуни назорати гумрукӣ бо истифода аз роҳҳои ғайрирасмӣ интиқол додааст.

Амалиёти «Кӯкнор - 2018»

Ҳангоми гузаронидани чорабиниҳои оперативӣ- ҷустуҷӯи санаи 19-уми июни соли 2018 дар доираи амалиёти «Кӯкнор - 2018» аз тарафи кормандони шуъбаи мубориза бар зидди ҳуқуқвайронкуниҳои гумрукии Раёсати минтақавии гумрукӣ дар вилояти Суғд дар ҳудуди ҷамоати деҳоти Деҳмой аз лаби ҷуйбори обгузари заминҳои кишти ҶСК «Парандапарвар-2»-и ноҳияи Ҷаббор Расулов ба миқдори 5480 бех растании монанд ба бангдона дарёфт карда, гирифта шуд.

Тибқи маълумотномаи ташхиси коршиносон растаниҳои рангашон сабзи бӯи махсус дошта, ба гурӯҳи растаниҳои нашъаовари навъи бангдонаи худрӯй дохил мешаванд.

Ошкор ва пешгирии қочоқи маснуоти заргарӣ

Санаи 17 майи соли 2018 аз тарафи кормандони Дидбонгоҳи гумрукии «Патар»-и Гумруки Конибодом ҳангоми азназаргузаронии воситаи нақлиёти сабукрави тамғаи “Опел-Астра”, рақами қайди давлатиаш 4249 КВ02, ки ба шаҳрванд Д. М. тааллуқ дорад, 375 адад маснуоти заргарӣ, аз қабили ангуштарин, гӯшвор, занҷира ва дастбандҳои тиллоию нуқрагӣ дарёфт ва мусодира карда шуд, ки номбурда мехост ин миқдор маснуоти заргариро пинҳонӣ аз назорати гумрукӣ, тариқи қочоқ берун аз сарҳади гумрукии Ҷумҳурии Тоҷикистон, ба Ҷумҳурии Ӯзбекистон интиқол диҳад.

Page 6 of 6

sh9
sh8
sh7
sh6
sh5
sh4
sh3
sh2
sh1

Суроға: хиёбони Бухоро-50|
Ҷумҳурии Тоҷикистон|
ш. Душанбе|

(Cуроғаи почтаи электронии
Маҷаллаи "Гумрук")
info.gumruk@yandex.ru

Агар хоҳед, ки ҳамеша аз хабару эълонҳои нав огоҳ бошед, дар сомонаи мо обуна шавед: